CHR-7: Di angay dakpon ang estambay kon wa silay nalapas nga balaod

CEBU, Philippines – Usa ka opisyal sa Commission on Human Rights-7 ang uyon pagsita niining mga estambay basta aduna silay nalapas nga balaod. Ang Chief Investigator sa CHR-7 nga si Leo Villarino nitug-an nga kon mag-inom sa kadalanan ug nakalapas sa mga local ordinances mahimo gyung sikupon ug patubagon sa salaod nga ilang nahimo.

Apan di angay sikupon kon nag-estambay lang ug walay gilapas nga balaod walay kapasikaran ang pagdakop kay kini makalapas na sa ilang tawhanong katungod.

Matud pa ni Villarino dili makatarunganon nga ang pamaagi pagpakgang sa kriminalidad pinaagi sa pagyatak sa katungod sa uban.

Sumala pa ni Villarino dili angayan did-an ang katawhan sa iyang kagawasan  sama na lang anang magpahangin sa gawas sa ilang balay.

Mipadayag si Villarino nga andam motabang ang CHR kon dunay moreklamo basta sigurohon lang niini nga wala silay mga ordinansa nga nalapas.

Sa pikas bahin, tulo ka mga lalaki ang gidakop tungod sa pagsugal diha sa Sitio  Kulo, Barangay Bongoyan, Lungsod sa Borbon.

Nadakpa nsa usab Sitio Camalig Bato, Barangay Tabok, ug sa Barangay Looc sa Dakbayan  sa Danao ang pito ka mga tawo tungod sa pagsugal.

Ang sugal nalakip sa Vagrancy Law kauban ang paglaroy-laroy sa karsada nga way trabaho bisan kaya pa sa lawas; pag-inom diha sa daplin sa dalan ug prostitusyon. (Romeo T.  Limpangog/IBM)(BANAT NEWS)