Laing tag P1,000 madawat sa seniors ugma

CEBU, Philippines – Malipay na sab ang mga senior citizens sa Siyudad sa Sugbo tungod kay karong Hunyo 23, adlaw’ng Sabado, gikatakda ang pagpangapod-apod sa financial assistance gikan sa kagamhanan sa siyudad.

Usa ka libo ka pesos ang madawat sa 67,300 ka senior citizens diin mao na kini  ang ikalimang hugna sa pagpanghatag.

Nagkanayon ang pangulo sa Office of the Senior Citizen’s Affairs, Lourdes Limpangog, nga ang pagpanghatag himoon sa 80 ka barangay sa  siyudad.

Ang siyudad nipahibawo nga dili na dawaton ang authorization letter gikan sa mga masakiton na nga senior citizens sanglit ang mga distribution officers nga empleyado sa City Hall maoy personal nga mohatud niini sa panimalay.

Nasayran nga ang siyudad nitagana og P12,000 nga financial assistance sa matag senior citizen alang sa usa ka tuig ug ang ipanghatag karong Sabado alang kini sa buwan sa Mayo. (/GMR)(BANAT NEWS)