V-hire terminal sa kamagayan nakatabang

CEBU, Philippines – Gihulagway ni Cebu City Mayor Tomas Osmeña nga makatabang sa siyudad ang van-for-hire (V-hire) terminal sa Barangay Kamagayan sanglit ang mga tawo nga nagpuyo sa probinsiya nga nanarbaho sa siyudad dili na kinahanglan pa mangita og kapuy-an sa dakbayan.

Kini tungod kay sayon na lang alang nila ang pagpauli sa ilang tagsa-tagsa ka probinsiya ug matud ni Osmeña nga kini usa ka “social necessity” nga serbisyo.

“This is why I will be seeking a reversal of policies we should not have a system where we will make it hard for people to come in. That’s why I’m going to provide a bus system in the mountains so students can come down to the city to study without having to pay for room and board here so they can go to school every day, this is already a management issue,” matud ni Osmeña.

Kahinumduman nga si Konsehal   Raymond Garcia niawhag sa mayor nga ihunong ang operation sa V-hire terminal sa Kamagayan kay giingong ilegal kini.

Si Garcia kinsa nipasaka og kaso batok ni Osmeña sa buhatan sa Ombudsman niadtong buwan sa Marso sa niaging tuig niasoy nga ang padayon nga pag-operate sa terminal nakalapas sa City Ordinance 1985 nga nag-regulate sa establishment ug operation sa terminal alang sa public utility ug V-hire sa siyudad.

Apan si Osmeña niingon nga pamolitika ra kini ni Garcia.

“Garcia doesn’t like Davide to succeed, it’s as simple as that, pamolitika ra na, his cousin Gwen wants to run for governor, you know that, so lain gyud ang iyang agenda,” dugang sa mayor.

Giangkon sa mayor nga dunay ordinansa nga nag-regulate sa establishment sa terminal apan si Osmeña niingon nga, “we are not operating a terminal technically speaking, they’re operating themselves, it’s a parking lot, as far as we’re concerned and they make a contribution to the City Hall, di mo modawat og kwarta, P400 mil matag   buwan.”

Ang V-hire terminal sa Kamagayan nagsugod sa pag-operate niadtong Oktuber 2016 diin ang siyudad mikita og P400 mil matag buwan. (/GMR)(BANAT NEWS)