Tining magpasubli sa ABC
CEBU, Philippines – Magpapili pagbalik isip pangulo sa Association of Barangay Councils (ABC) sa Lalawigan sa Sugbo si ex-officio Provincial Board Member Celestino “Tining” Martinez III.
Si Martinez kinsa nasublian sa pagka-kapitan sa Barangay Cayang, Dakbayan sa Bogo nagkanayon nga kinahanglan pa hinoon makadaug siya sa eleksyon sa ABC president sa ilang siyudad una pa sa lalawigan.
Nitataw si Martinez nga walay partido hinoon kun eleksyon sa Liga ng mga Barangay sanglit non-partisan man ang barangay.
“We are not allowed man to carry any party, actually wala gyud mi partido but it does not stop you from joining activities of any party of your choosing but like I said you cannot be endorsed or ask support of any party,” matud ni Martinez.
Hinoon wala pay klaro kun kinsa gyud ang iyang maka-atbang apan adunay hugon-hugon nga si kanhi Samboan mayor Raymond Calderon nga karon kapitan sa Barangay Poblacion ang magpapili sa maong pwesto.
“Actually undecided pa kay proseso man gud ni, kinahangalan mo-consult pa ta sa kaning ABC president. Mokonsulta sa mga mayors, sa mga congressman, konsulta ni governor, kinahanglan man ni og sabot-sabot gud,” matud ni Calderon.
Laing pangalan nga nitumaw mao ang igsoon ni Kongresista Benhur Salimbangon sa ikaupat nga distrito nga si Edwin Salimbangon napiling kapitan sa Barangay Curva, Medellin ug nagtinguha nga mahimong presidente sa ABC sa ilang lungsod.
Wala pay saktong petsa kun kanus-a ang eleksiyon sa ABC sa Lalawigan sa Sugbo. (/GMR)(BANAT NEWS)
- Latest
