Developer makig-areglo kang Mayor Reluya
CEBU, Philippines — Ang developer nga nikiha ngadto sa Ombudsman og kasong kriminal ug administratiba batok kang Mayor Lakambini “Neneth” Reluya sa Lungsod sa San Fernando tungod sa pagsuspenso sa mayor sa construction sa pantalan sa lungsod buot na lang makig-areglo.
Si Ruben Feliciano, presidente sa First Sangat SF International Port Corporation kinsa miduso sa P12.5 bilyones nga port project sa Barangay Sangat, San Fernando mipasangil kang Reluya nga mipabor sa laing proyekto.
Apan kagahapon si Feliciano mipadayag nga uyon siya nga makig-areglo kang Reluya.
Kagahapon si Feliciano nakigtagbo kang Gobernador Hilario Davide, III diha sa Kapitolyo diin nahisgutan nila ang tinguha nga amicable settlement tali sa duha ka habig.
Si Feliciano mipadayag nga andam siya iatras ang kaso nga iyang gipasaka apan depende na kini sa Ombudsman kong unsay himuon nga desisyon o aksiyon niini.
Si Feliciano miinsister nga kompleto na ang iyang dokumento alang sa itukod nga pantalan sa San Fernando.
Apan si Reluya sa iyang bahin, nagkanayon nga dili sila bukas sa maong panaghusay tungod kay dili kompleto ang mga dokumento.
"We are not amicable to a win-win solution. Because if we would agree to a win-win solution, it will not only be me, but also the governor and the members of the provincial board who will be sued before the Ombudsman for allowing First Sangat to operate despite having incomplete requirements.
I believe Gov. Davide was mislead by Mr. Feliciano for not stating the whole facts”, matud ni Reluya. (BANAT NEWS)
- Latest