Kugihan ang CCPO sa anti-drug operations

CEBU, Philippines — Dako ang pagsupak ni Cebu City Mayor Tomas Osmeña sa pamahayag ni PNP Chief Director General Oscar Albayalde nga hotspot sa ilegal nga drugas ang Cebu.

“If he is trying to single out Cebu, I disagree. We have plenty of drugs here in Cebu sometimes it’s beyond our control because many of the sources are controlled outside of Cebu,” asoy pa sa mayor.

Ang mayor miingon nga matag lugar matawag nga hotspot mao dili makiangayon nga  i-single out ang Cebu.

Matud niya kugihan lang gyud sa anti-drug operations ang director sa Cebu City Police Office nga si Senior Superintendent Joel Doria kay mas daghan kini og nahimong buy bust operations itandi sa ubang lugar sa nasud.

“We will match it in any place in the country, I will ask Chief Doria to do a summary, his accomplishment report in buy bust is longer than this table I will tell you that,” dugang ni Osmeña.

Matud sa mayor duha ra ang tinubdan sa drugas, ang China ug ang mga prisuhan apan wala sila’y mabuhat niini tungod kay gawas na sa ilang hurisdiksyon. (BANAT NEWS)