Ang nabuthan mao si Alejandro Pil, residente sa maong dapit ug dunay ka-ipon nga si Janica Sotto, 23.
File
Nabutha’g IED napungkol
Decemay Padilla (Banat) - June 10, 2018 - 12:00am

CEBU, Philippines — Naputlan og bukton ang usa ka 33- anyos nga lalaki human naunay sa giingong hinimo-himo niining Improvised Explosive Device (IED) didto sa Sitio Datag, Barangay Buagsong, Lungsod sa Cordova niadtong Biyernes sa hapon.

Ang nabuthan mao si Alejandro Pil, residente sa maong dapit ug dunay ka-ipon nga si Janica Sotto, 23.

Base sa imbestigasyon sa kapulisan,  si Pil naghimo og home-made IED sulod sa giabangan niining panimalay apan aksidente kining mibuto hinungdan nga naigo kini sa nagkadaiyang bahin sa iyang lawas ug naputol ang iyang tuong bukton.

Sigon sa Regional Director sa Police Regional Office (PRO)-7 Chief Superintendent Debold Sinas, ang insidente nahitabo pasado alas 5 niadtong adlaw’ng Biyernes ug ang nabuthan gidala sa Vicente Sotto Memorial Medical Center ug gi-operahan na kagahapon.

Gisusi karon sa kapulisan kon nganong naghimo og bomba si Pil. Usa ka case conference ang gihimo uban sa Explosive Ordnance Disposal (EOD), Cordova Police ug PNP Crime Laboratory.

Gawas niini, nakakuha sab ang kapulisan og usa ka .45 kalibre pistol nga may unom ka bala, usa ka .357 revolver nga may upat ka bala, bala sa kalibre .50 machine gun, home-made IEDs, tulo ka plastic nga dunay sulod nga tunga sa kilo sa ammonium nitrate matag usa, tunga sa kilong lansang, wire, asido ug uban pa.

Ang insidente nahitabo usa ka adlaw human sa pagbisita ni Presidente Rodrigo Duterte sa Lapu-Lapu City.

Apan giklaro ni Chief Supt. Sinas dili kini konektado sa terorismo apan tanang anggulo ilang tan-awon.

“Dili pud ka makaestorya (terorismo) kay unang-una wala ko makabalo kung unsaon to nila ang bomba. Kasi malay mo pang-isda lang diay to kasi pag-ammonium nitrate kabalo ka pang-bongbong mao man nay usually gigamitan ana.

Pero kung terorista dili mi magkuan (mogamit) ana pero amo gihapon imbestigahan wala may problema ‘to at amo mong impormahan kung unsa man ang findings,” asoy ni Sinas.

Ang kaipon ni Pil nga si Janica mitug-an sa kapolisan nga dunay duha ngadto sa tulo ka mga lalaking pirmeng mobisita sa iyang kaipon.

Matud pa niini, nga kaning mga bisita diretso kini pasudlon ni Pil sa ilang kwarto apan wala kini masayod sa ilang gipanghimo didto.

Nasayran si Pil dili pa lang dugay nagpuyo sa maong lugar maong awhag sa kapulisan sa katawhan kun dunay bag-ong salta sa ilang dapit ipahibawo dayon sa mga tinugyanan sa balaod. (Romeo T. Limpangog/IBM)(BANATNEWS)

IED
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with