Gihangop ni Davide ang dakong kalamboan sa MCIA nga iyang gihulagway nga mas nindot pa kon itandi sa Ninoy Aquino International Airport.
Joy Torrejos
Problema sa trapiko angay pangandaman
Le Phyllis Antojado (Banat) - June 9, 2018 - 12:00am

CEBU, Philippines – Gipanglantawan nga kon mag-operate na ang Mactan Cebu International Airport (MCIA) Terminal 2 mosamot ang problema sa trapiko ilabi na sa dakbayan sa Lapu-Lapu, matud pa ni Gob. Hilario Davide III.

Gihangop ni Davide ang dakong kalamboan sa MCIA nga iyang gihulagway nga mas nindot pa kon itandi sa Ninoy Aquino International Airport (NAIA).

“That’s why kita pud in our own way, together with DPWH, trying to improve our traffic situation,” matud ni Davide kinsa miawhag daan sa mga LGUs nga pangandaman daan kini.

Sa pagkakaron, ang nagsumpay sa mainland Cebu ug Mactan island mao ang duha ka mga taytayan nga pirmeng maghuot ang sakyanan, samtang nagpadayon pa ang proseso sa tukoron nga ikatulong taytayan nga magkonektar sa Cebu City ug sa Cordova sa mao gihapong isla.

Sa iyang bahin, si Cebu City Mayor Tomas Osmeña mihulagway sa MCIA Terminal 2 karon nga ‘the best’ human nga ang desinyo niini giusab.

Sa miaging tuig, nanaway kini sa structural design sa Terminal 2 nga daw sama sa ‘poultry house’ o tangkal sa manok, ug karon nga giusab nahinangop si Osmeña.

 “But I’m glad they change it to something better because the other one it was really ugly. It’s even worst in anything I’ve seen,” asoy ni Osmeña.

Giangkon sa mayor nga iyang gisaway ang desinyo sa terminal kaniadto hinoon wala na siya manumbaling kun kinsa man ang nagpaluyo sa pagpakatap sa komento niini labot sa karaang desinyo sa terminal.

“Not my friend that’s for sure. I don’t care who’s behind it. I will just answer it because it’s a good airport. One of the best I’ve seen because they’ve changed it. If they pursue that original plan, we would have the ugliest airport,” dugang sa mayor.

Matud niya makatabang kini paglambo sa ekonomiya sa Sugbo.

Samtang si Mayor Paz Radaza sa Dakbayan sa Lapu-Lapu malaumon nga mas mosaka pa ang gidaghanon sa mga tourist arrivals sa Sugbo.

Pagkakaron nisaka ra ang gidaghanon sa mga turista dinhi human gisiradohan ang Boracay. (Decemay Padilla ug Rowena D. Capistrano/IBM)(BANAT NEWS)

TRAPIKO
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with