Mga dalan sa Medellin sementado na

CEBU, Philippines – Dili mominus walo ka dalan nga sementado na ug may gitas-on nga 1.941 kilometros ang gibuksan sa Lungsod sa Medellin nga kantidad og P10 milyones.

Kini nahimutang sa Barangay Lamintak Sur, Lamintak Norte, Luy-a, Antipolo, Maharuhay, Kawit, Mahawak ug Curva.

“Kining dan usa ka timaan sa kalambuan,” matud ni Gobernador Hilario Davide III atol sa seremonya.

Si Medellin Mayor Joven Mondigo Jr. nagkanayon nga pinaagi sa maong mga dalan dali na ang agianan alang sa mga hauling trucks padulong sa sugar mills nga maoy panginabuhian sa mga residente sa lungsod.

Sumala pa sa usa ka residente nga si Maria Lourdez Alcoriza sa Purok Camanchile, Antipolo nga ang pagpasemento sa dalan sa ilang lugar maoy usa sa ilang hangyo nga natubag na sa gobiyerno.

Lakip sa ilang gihangyo nga ayuhon ang ilang water system diin si Mondigo nisaad nga mopadala og technical team aron masusi ang kahimtang sa tinubdan sa tubig. (/GMR)(BANAT NEWS)