Namaligya og petroleum products sikop

CEBU, Philippines – Gibalhug ang tulo ka lalaki nga nasakpang ilegal nga namaligya og produktong petrolyo niadtong Huwebes sa buntag sa Danglag, Consolacion.

Giila ang tulo nga sila si Renel Artuel Mangelaya, 41, tag-iya sa lugar nga nahimutangan sa pasilidad; Dario Tabudlong Jr., 30, tigbaligya, ug ang delivery driver nga si Felix Milan.

Nasakmit nilang Police Chief Inspector Hector Amancia ang unom ka puno ug tulo ka walay sulod nga 50kg cylinder, 12 ka puno ug duha ka walay sulod nga 22kg, usa ka 50kg nga katunga ang sulod, usa ka 11kg ug 6kg cylinder sa Prycegas nga pulos walay sulod; 1,190 ka buok nga butane canisters nga walay sulod, 160 ka buok nga LPG-filled canisters, ug ubang kagamitan.

Gisakmit sab ang Isuzu delivery van nga may plaka nga KDG-292 nga adunay sulod nga 13 ka buok nga puno ug tulo ka walay sulod nga 22kgs cylinder. (/GMR)(BANAT NEWS)