Sumad sa pag-atake sa Maute gibantayan

CEBU, Philippines – Nagpabiling mabinantayon ang kapolisan sa posibleng lihok sa mga armadong grupong Maute karong sumad na sukad sa pagpangatake sa Marawi City.

Mayo 23, 2017 gideklarar nga ubos sa martial law ug state of calamity ang siyudad human sa pagpangatake sa grupo.

Gitug-an sa direktor sa Cebu Provincial Police Office, Senior Supt. Manuel Javier Abrugena, nga padayong gipahugtan ang monitoring sa maong grupo aron paglikay sa posibleng pagpang-recruit niini.

Nanawagan si Abrugena nga dili lang ang pwersa sa gobiyerno ang magmabinantayon sa palibot apan lakip na ang publiko.

“Let’s stop spreading fake news. Di kayo nakakatulong,” matud ni Abrugena. (/GMR)(BANAT NEWS)