Pacquiao mipasalig nga away mahinayon
CEBU, Philippines — Mismo si Pinoy boxing icon Manny Pacquiao ang miklaro nga dili tinuod ang nanggawas nga taho nga nakanselar ang iyang sangka batok ni WBA welterweight champ Lucas Matthysse sa Hulyo 15.
Si Pacquiao dismayado human nanggawas ang sayup nga taho nga dili na mahitabo ilang sangka ni Matthysse.
Ang fighting senator nagkanayon nga dili tinuod ang mga balita ug padayun gihapon siya sa training alang sa nagsingabot niyang title fight batok sa Argentinean champion.
Si Pacquiao wala muhisgot og pangan, apan iyang giingon nga adunay mga tawo nga gusto mosabotahe sa iyang sangka.
“Some people want to sabotage the fight,” matud pa ni Pacquiao sa The Philippine STAR.
Si Pacquiao anaa sa ikatulong semana sa iyang training camp diin mipakita siya og kalagsik sa ensayo pangandam sa iyang subling pagsaka sa ring.
Gidugang ni Pacquiao nga mahinungdanon ang maong sangka alang kaniya tungod kay magdepende ang pagpadayun sa iyang karera sa sport sa resulta sa iyang away ni Matthysse. (BANAT NEWS)
- Latest
