Agianan sa nasunogan sa Ermita palapdan
Decemay P. Padilla (Banat) - May 18, 2018 - 12:00am

CEBU, Philippines – Sugdan sa Office of the Building Officials sa Dakbayan sa Sugbo ang actual ocular inspection sa tanang istraktura nga salin sa sunog sa Barangay Ermita karong Lunes.

Kini ang gibutyag sa operation head sa Division for the Welfare of the Urban Poor (DWUP), Genevieve Alcoseba, aron maduso ang rekomendasyon ngadto sa Cebu City Disaster Risk Reduction and Management Office nga mao na ang mohimo sa final recommendation alang sa gitawag nga ground zero. Mohimo og pagpahibawo ug pagpasabot ang  DWUP sa tanang apektado kay mogamit man sila og heavy equipment atol sa clearing ug importante kaayo ang kaluwasan sa mga residente ilabi na sa kabataan nga magdagan-dagan.

Nasayran nga “by phase” ang clearing nga himoon sa DWUP diin kung mahuman ang usa ka phase mosulod dayon ang technical team sa DWUP aron paghimo og actual home lot survey base sa title ug technical description sa gipanag-iya nga property. Asoy ni Alcoseba nga i-home lot kini og balik base sa kun pila’y sukod nga gi-award sa residente.

“Actually duha ka klase sa mohon ang atong itaud, ang katong permanent gyud nila nga station kadtong mohon nila sa actual sa sukod sa ilang mga yuta then second katong ginatawag nato nga mohon sa set back, kung asa ang mohon sa imong set back dapat didto motungtong ang imong haligi nga pagabuhaton sa imong balay,” pasabot ni Alcoseba.

Subling giklaro ni Alcoseba nga wala’y reblocking nga ipatuman gawas sa set back diin ang original nga dos metros nga pathways dugangan sa set back mahimo na kining tres metros nga road right of way.

Pinaagi niini makita sa tanan nga molapad ang pathway ug road lot sa Barangay Ermita.

Atol sa consultative meeting sa DWUP sa mga nasunugan, ang tanan niuyon sa set back nga ipatuman kay nakita ang importansiya nga molapad ang pathway ingon man ang road lot kay alang kini sa ilang kaluwasan. (/GMR)(BANAT NEWS)

ERMITA PALAPDAN
Philstar
Facebook
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with