Nagtadtad sa hubog nadakpan
Camille L. Pateres (Banat) - May 17, 2018 - 12:00am

CEBU, Philippines – Nadakpan na ang suspek sa pagtadtad patay sa usa ka hubog nga natulog daplin sa karsada sa Barangay Doldol, Lungsod sa Dumanjug niadtong Martes sa kaadlawon.

Ang gitumbok nga suspek mao si Cesar Lanojan, 24, usa ka construction worker ug residente sa maong dapit.

Sumala ni SPO4 Samuel Cañete nga positibong gitudlo sa mga nakasaksi si Lañojan nga nitigbas sa nawong sa biktima nga si Francisco Montemayor, 41, nga residente ra sab sa maong dapit.

Matud pa nga samtang nag-inusara na lang sa lantay ang biktima, naniid na sa atbang ang suspek.

Sa wala pa ang hitabo, nakig-inom ang biktima sa iyang igsuon sa tindahan atbang sa iyang gikatulgan nga lantay.

Nasubay sa kapolisan ang mga gagmay’ng pat-ak sa dugo paingon sa tugkaran sa balay sa suspek.

Ang suspek nipasangil nga adunay wala matahan nga kwarta sa sugal ang biktima niadtong nakalabay’ng buwan nga kantidad og P500.

Gani gibaharan siya sa biktima maong iya kining giunhan sa dihang nakahigayon siya.

"Niangkon siya pagkadakop na. Siya pa gani nagtuod sa sundang. Gisuksok niya sa ilawom sa ilang altar," si Cañete niingon.

Kasong murder ang ipasaka batok sa suspek kinsa kasamtangang gipriso sa Dumanjug Police Station. (Lara Rose P. Lasmarias /GMR)(BANAT NEWS)

NADAKPAN
Philstar
  • Latest
Latest
Latest
Recommended
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with