Nagmotor nasaghiran og trak patay

CEBU, Philippines – Namatay ang 59-anyos nga lalaki kinsa nag-motorsiklo human nasaghiri sa usa ka water tanker nga giingong ni-overtake niini sa Tayud, Consolacion niadtong Martes sa gabii.

Ang nakalas giila sa Consolacion Police Station nga si Artemio Siscon, residente sa maong dapit samtang ang nagmaneho sa Isuzu water tanker mao si Pablito Pantonial, 42, taga Tingub, Dakbayan sa Mandaue. Padulong sa Lungsod sa Liloan ang biktima dihang nasaghiran sa truck ang manobela sa motorsiklo ni Siscon.

Dali nga gidala sa tambalanan ang biktima apan gideklarar nga dead on arrival samtang gibalhug sa prisohan si Pantonial ug gipasakaan og kasong reckless imprudence resulting to homicide. (/GMR)(BANAT NEWS)