Bulakna ang sentro sa kadaugan sa Mactan
CEBU, Philippines – Hatagan og gibug-aton ang papel ni Reyna Bulakna atol sa pagsaulog sa Kadaugan sa Mactan karong adlawa.
Matud ni Lapu-Lapu City Mayor Paz Radaza nga mahimong musical play ang mahitabong kasaulogan nga magsentro sa kinabuhi ni Bulakna, ang asawa ni Datu Lapu-Lapu.
Ang papel ni Datu Lapu-Lapu pagadad-on ni Derick Hubalde ug si Dionne Monsanto isip Bulakna ug si Adrian Alandy usab ang modala sa papel ni Ferdinand Magellan.
Motambong sa kasaulogan sila si Senador Cynthia Villar ug Presidential Assistant for the Visayas Michael Lloyd Dino.
Higpit nga gipatuman sa kapolisan ang paghatag og seguridad sa Kadaugan sa Mactan matud ni Senior Superintendent Rommel Cabagnot, ang direktor sa Lapu-Lapu City Police Office (LLCPO).
Si Mario Napuli, officer-in-charge sa City Traffic Management Service (CTMS) sa dakbayan ang nagdestino sab og mga traffic enforcers sa pagpahapsay sa dagan sa mga sakyanan nga molabay sa Liberty Shrine sa Barangay Mactan.
Sa baybayon sa Liberty Shrine ipahigayon ang re-enactment sa away ni Lapu-Lapu ug Magellan.
Gideklarar sab ni Presidente Rodrigo Duterte karong adlawa isip non-working day sa dakbayan pinaagi sa Proclamation No. 461. (Romeo T. Limpangog/GMR)(BANAT NEWS)
- Latest
