Duha ka kanhi piniriso sikop na sab
CEBU, Philippines – Nasikop ang duha ka lalaki sa One Time Big Time Operation sa kapolisan sa New Public Market, Jubay, Liloan niadtong Miyerkules sa gabii.
Ang nasikop mao sila si Justino Bulfango alyas Onyong, 41, taga Purok Ka Impyang, ug kanhi piniriso sa Cebu Provincial Detention and Rehabilitation Center tungod sa ilegal nga drugas ug Jevon Calderon, 40, taga Cogon, Compostela, kanhi piniriso sa New Bilibid Prison tungod sa kasong pagpanulis. Nasakmit gikan sa mga dinakpan ang 8 gramos nga shabu nga mobalor og dul-an usa ka gatos ka libo ka pesos, halin sa gituohang shabu ug buy-bust money.
Sa pagkakaron nabalhug na sa prisohan ang mga dinakpan.
Samtang nadakpan ang usa ka lalaki nga namaligya og ilegal nga drugas sa Alaska Proper, Mambaling, Dakbayan sa Sugbo.
Ang dinakpan nailhan nga si Ruben Delfin Dela Victoria, 42, kinsa nakuhaan sa iyang jogging pants og usa ka medium-size nga pakete ug 49 ka gagmay nga pakete sa gituohang shabu. Nikabat ang maong shabu og 7.45 ka gramos nga balor og P87, 910. Ang suspek nagtingkagol na sa selda sa Cebu City Police Office (CCPO). (Jomelyn B. Largado, CNU Intern/GMR)(BANAT NEWS)
- Latest
