Si Ryan Abear, 35, usa ka street level target, nakuhaan og duha ka medium-size nga pakete ug duha ka gamay nga pakete sa shabu.
File
P130 mil shabu nasakmit, nilikay sa checkpoint sikop
Rowena D. Capistrano (Banat) - April 17, 2018 - 12:00am

CEBU, Philippines — Dul-an sa P130 mil nga balor sa gituohang shabu ang nasakmit ug tulo ka tawo nasikop sa anti-illegal drug operation sa Sitio Zapatera, Barangay Luz, Dakbayan sa Sugbo niadtong Sabado sa gabii.

Si Ryan Abear, 35, usa ka street level target, nakuhaan og duha ka medium-size nga pakete ug duha ka gamay nga pakete sa shabu.

Si Danrith Rombla, 21, usa sab ka street level target, nakuhaan og tulo ka gamay nga pakete sa shabu, lighter, usa ka improvised tooter ug pito ka linukot nga tinfoil.

Samtang ang alyas Ariel, usa sab ka street level target, nakuhaan og .45 kalibre nga armas nga adunay walo ka bala ug mga drug paraphernalia.

Gibanabana nga moabot sa P129,800 ang kinatibuk-ang balor sa shabu nga nasakmit.

Samtang usa ka 34-anyos nga lalaki ang nagtingkagol sa prisohan human kini nadakpan sa checkpoint sa Station 1 sa Mandaue City Police Office sa Barangay Guizo niadtong Domingo sa gabii.

Ang nasikop mao si Ronaldo Fajardo, taga San Roque, Hipodromo, Dakbayan sa Sugbo kinsa matud ni Police Officer 3 David Omambac, desk officer sa MCPO Station 1 nga buot untang moikyas sa checkpoint hinungdan nga nahitabo ang ginukdanay.

Dihang nadakpan si Fajardo, nakuhaan kini og usa ka putos sa gidudahang shabu. - Katheleen Kaye G. Gonzaga, CNU Intern (BANAT NEWS)

SHABU
Philstar
Facebook
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with