Sa Cebu City, 24 ka mga kandidato sa Barangay ug Sangguniang Kabataan (SK) ang miduso sa ilang kandidatura kagahapong adlawa.
File
Gamay ra ang niduso og COCs
(Banat) - April 16, 2018 - 12:00am

 CEBU, Philippines — Mingaw ang ikaduhang adlaw sa filing of Certificate of Candidacy (COC) sa COMELEC kagahapon.

Sa Cebu City, 24 ka mga kandidato sa Barangay ug Sangguniang Kabataan (SK) ang miduso sa ilang kandidatura kagahapong adlawa.

Sa South District misumitir sa ilang COCs ang siyam ka mga kandidato, diin tulo niini ang gikan sa Sangguniang Barangay ug unom ang sa SK.

Samtang sa North District, 15  ang niduso og COCs, siyam ang barangay ug ang unom sa SK.

Si Atty. Enerio Ozcariza Jr., ang acting election officer sa Comelec Cebu City nagkanayon nga daghan gyud ang misumitir sa ilang kandidatura sa unang adlaw tungod kay nagpanikad na ang uban sa paglansar.

Apan nagtuo ang mga kawani sa butahan sa COMELEC nga ang ubang kandidato wala makahibalo nga abli ang ilang opisina kagahapon bisan adlaw nga Domingo maong gamay lang ang nag-file og COCs.

Sa pikas bahin, matud sa datos nga anaa sa Office of the Provincial Election Supervisor, 1,593 na ang miduso og COCs sa probinsya  diin 129 ka mga kandidato sa pagkakapitan ang molansar, 92 niini mga lalake ug 37 niini mga babaye.

Sa sangguniang barangay mitala og 945 ka mga kandidato, 645 niini kay mga lalaki ug 300 mga babaye.

Ang lungsod sa Santander mao ang pinakadaghang kandidato nga miduso sa ilang kandidatora nga adunay 164 sa unang adlaw.

Matod sa COMELEC, adunay mga kandidato ang nagkuwang sa ilang resikitos sama sa BIR, resulta sa pagdilatar sa ilang filing of COC sa unang adlaw.

Mipahibaw ang Comelec nga wala nay extension nga mahitabo sa pagsumitir sa ilang mga kandidatura.

Ang filing of COCs nagsugod sa miaging Sabado, Abril 14 ug mahuman sa Abril 20 , Biyernes. - Jhan Nysse Capus ug Myca Mae Gabato, CNU Interns (BANAT NEWS)

CERTIFICATE OF CANDIDACY
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with