Dul-an P.5M shabu nasakmit
CEBU, Philippines — Onse ka mga tawo ang nadakpan sa managlahing operasyon sa kapolisan batok sa ilegal nga drugas sa ikaunom nga distrito ug sa Lapu-Lapu City nga miresulta sa pagkasakmit sa dul-an P500 mil nga kantidad sa shabu.
Sa buy-bust operation sa kapolisan sa Consolacion Police Station sa miaging gabii diha sa Barangay Garing nasakmit ang mokabat sa P70, 800 nga kantidad nga shabu gikan sa gipasanginlang “hitman” nga namaligya usab og ilegal nga drugas nga si Ricardo Escanilla Vallenos Jr., nga nagpuyo sa maong dapit.
Nasakmit gikan niya ang usa ka kalibre .38 nga armas ug mga pakete sa gituohang shabu nga naglakip sa medium size nga pakete.
Samtang sa Mandaue City, nadakpan sa managlahing mga operasyon sila si Leoper Solon Bacalla, 34, Etetflor Sacristan, 33, Julius Sapo Llanese, 40, Felix Fernandez, 40, Michael Raagas, 30, Edman Agase Balaos, 32, Jetro Saplon, 18, Walter Megabon, 32, tungod sa paghupot og drugas.
Kapin sa P300 mil nga drugas usab ang nasakmit sa drug buy-bust operation kagahapon sa kadlawon sa Suba Masulog, Barangay Basak Lapu-Lapu City.
Ang nadakpan mao sila si Cheryl Muñez Bajo, 36, ug Jamil Montesa Labor, 23, nga nakuhaan og gibanabanang 25.7 gramos nga gituohang shabu nga nagkantidad og P303,260 mil. - Jomelyn B. Largado ug Caren F. Abing, Mary Rose S. Sagarino/CNU Interns (BANAT NEWS)
- Latest