^

Banat Balita

Mga kandidato gihagit magpa-drug test

Rowena D. Capistrano - Banat
Mga kandidato gihagit magpa-drug test
Matud ni Leia Albiar, tigpamaba sa PDEA-7, nga kung sinsero ang mga kandidato ug wala silay gitagoan sa ilang kaugalingon dili sila mahadlok nga mopaubos sa drug test.
File

CEBU, Philippines — Nihagit ang Philippine Drug Enforcement Agency sa mga magpapili sa Barangay ug Sangguniang Kabataan Elections nga mopaubos sa drug test.

Matud ni Leia Albiar, tigpamaba sa PDEA-7, nga kung sinsero ang mga kandidato ug wala silay gitagoan sa ilang kaugalingon dili sila mahadlok nga mopaubos sa drug test.

Sumala pa ni Albiar nga sayon ra nga mailhan ang mga opisyal nga gituohang nagsuporta sa ilegal nga drugas tungod kay wala  kini nagsuporta sa Barangay Anti-Drug Abuse Council o kaha wala maglihok ang BADAC ug compliance lang sa Department of Interior and Local Government.

Ang PDEA giingong adunay listahan sa 563 ka opisyal sa barangay lukop nasud nga gituohang nalambigit sa ilegal nga kalihukan diin katunga niini ang gipaubos sa verification hinungdan nga dili pa mahatag ang mga pangan.

Gipadayag ni Albiar nga si Presidente Rodrigo Duterte lang ang makahatag sa mga pangan sa opisyal nga nalambigit sa ilegal nga drugas. Usa sa mga magpapili sa umaabot nga eleksyon nga kanhi kapitan sa Barangay Zapatera, Dakbayan sa Sugbo nga si Frank Benedict ug anchor sa DyRF pabor sa drug test aron pagmatuod nga wala sila magbisyo ug masaligan sa pagdumala sa barangay.

Matud ni Benedicto nga aron sab ma-drug-free ang barangay gikinahanglan ang mga opisyal nga sila ang ehemplo.

Samtang gisuportahan ni Cebu City Mayor Tomas Osmeña ang hangyo ni Senior Supt. Joel Doria, director sa Cebu City Police Office, nga ang mga opisyal nga nalambigit sa ilegal nga drugas ang motahan sa kapolisan.

Matud sa mayor nga daghang barangay sa siyudad diin naghitak ang ginadiling drugas sama sa Lorega-San Miguel, Calamba, Pasil, Duljo-Fatima, Ermita ug uban pa.

Si Osmeña niawhag sa katawhan nga mo-report sa iya pinaagi sa text message aron matubag ug mapadangat ang impormasyon sa kapolisan ug maaksyonan.

Sa iyang bahin, si Konsehal Dave Tumulak, chairman sa committee on public order and safety, nagduda kung mosurender ba  ang mga lokal nga opisyal nga nalambigit sa ilegal nga drugas.

Iya hinoon gihangyo ang kapolisan sa pagpagawas sa ngalan sa maong mga opisyal. “I-divulge ang name so that they can defend kay kun dili man gud ma- divulge ang name ma-generalize ang tanang mga barangay officials, unfair also sa mga barangay officials nga nagtinarong,” matud ni Tumulak.

Sa laing bahin gidasig sa hepe sa kapolisan sa Siyudad sa Talisay ang tanang magpapili sa Barangay ug SK elections sa pagpaubos sa drug test.

Hinoon si Supt. Marlu Conag nipadayag nga wala siya’y nadunggan nga kasamtangang opisyal nga tiggamitan og ilegal nga drugas gawas sa niaging mga buwan nga aduna silay nasikop nga konsehal sa barangay.

Si Conag nihagit sa mga opisyal nga moduso sa bag-o nilang lista sa mga tawo nga nalambigit sa ilegal nga drugas sa ilang barangay tungod kay ilang nabantayan nga nibugnaw sa ilang kawsa ang mga opisyal.

Nagtuo sila nga nikalma lang una ang mga opisyal kay duol na man sab ang piniliay. (Decemay P. Padilla ug Gabriel C. Bonjoc/GMR) (BANAT NEWS)

 

DRUG TEST

Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with
no session for state
no session for code
no session for id_token
no session for user