Sakripisyo sa mga bayani sa WWII giila
Jomelyn Largado (Banat) - April 10, 2018 - 12:00am

CEBU, Philippines — Gipasidunggan sa Cebu City Government ang napulo ka mga buhi pang beterano sa Ikaduhang Kalibutanong Gubat atol sa ika-76 ka tuig nga selebrasyon sa Araw ng Kagitingan nga gipahigayon sa Plaza Independencia kagahapon.

Gihatagan sila og plaque of award tungod sa ilang sakripisyo ug kaisog atol sa WWII.

Ang maong mga beterano nag-edad na og 92 anyos ngadto sa 99 anyos. Apan upat lamang sa napulo ka buhing beterano ang nakatambong apan nagpadala og representante ang wala didto.

Lakip sa mga nitambong sa maong kalihokan mao ang kadagkoan sa Armed Forces of the Philippines (AFP), Philippine National Police (PNP) , Philippine Veterans Federation of the Philippines-Central Visayas, CHAC commissioners ug ubang mga opisyales sa Sugbo.

“There are many missing parts of our history that we should be proud of. I realized that they really die for us,” matud pa ni Osmeña.

Nagtinguha sab si Osmeña nga himuong comic series ang libro nga “Tabunan”, rekord sa panghitabo atol sa WWII kabahin sa mga gerilya aron ipang apod-apod kini ngadto sa mga tinun-an dinhi sa dakbayan aron paghinumdom sa mga sakripisyo sa atong mga bayani.

“We have to rekindle the spirit of nationalism,” asoy ni Col. Medel Aguilar, tigpamaba sa Central Command.

Subling gipasalig sa mayor nga andam ang siyudad  pagtabang sa pamilya sa mga sundalo kon adunay dautang mahitabo kanila sa ilang pagpanerbisyo.

Ang Araw ng Kagitingan giselebrar matag Abril 9 isip National Memorial Day atol sa Fall of Bataan niadtong Abril 9, 1942.

Kagahapong adlawa gihimo ang wreath-laying ceremony sa Veteran’s Memorial Shrine sa maong plaza.

Gibuksan usab ang AFP’s static display “Kampo ng Kagitingan” diin gipakita sa publiko ang mga gamit sa militar gikan sa armas ug mga sakyanan nga gikagubtan sa mga tawong gustong mag-selfie.

Matud pa ni Lt. Matheau Flo Chia gikan sa Philippine Air Force ang static display paagi nila aron makita sa katawhan ang debosyon sa kasundalohan ngadto sa katawhan ug sa nasud ug aron dasigon ang kabataan sa pagsundalo.  - Jhan Nysse Capus, Erly Ann Alcontin (BANAT NEWS)

ARAW NG KAGITINGAN
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with