Bargayo magpalansang sa tuburan
Bryner L. Diaz (Banat) - March 29, 2018 - 12:00am

CEBU, Philippines — Magpalansang sa ika-24 ka higayon ang 68-anyos nga si Gilbert Bargayo sa Biyernes Santo sa Lungsod sa Tuburan.

Si Bargayo niingon nga ika-unom na niya ka tuig nga buhaton niya kini sa Lungsod sa Tuburan.

Si Bargayo namulong nga dili lalim nga magpalansang maong nagbuhat siya og mga butang aron siya maandam sa iyang tulumanon.

Lakip sa iyang pangandam ang pag-puasa matag adlaw ug pag-inom lang og tubig nga may lemonsito ug pagkaon og prutas sulod sa upat ka adlaw.

Iya na sab giandam ang iyang kaugalingon sa pagsinati sa kasakit sa paglagbas sa lansang sa iyang kamot ug tiil samtang siya nagdupa nga nagbitay sa krus.

Dugang ni Bargayo nga bisan pa man nga matag tuig na kini niya gibuhat labihang kasakit gihapon ang iyang bation dihang modapat na ang lansang sa iyang kaunoran.

Andam na sab ang iyang purong-purong nga tunokon ug ang mga lansang nga iyang gihumol og garapa nga puno sa alcohol aron luwas kini nga    gamiton.

Gawas niini nagsige sab og ampo si Bargayo alang sa iyang buhaton ug alang sa mga tawo.

Sumala pa niya nga wala niya kini buhata alang sa iyang kaugalingon lang kun dili alang usab sa katawhan aron makasinati sila og makasaksi unsa ang kasakit nga naagian ni Kristo.

Daku niyang kalipay nga maghinulsol ang mga tawo nga makakita niya ug mobalik sila sa sabakan sa Ginoo.

Si Bargayo nakapalansang na sulod sa 23 ka tuig sukad pa niadtong 1990 diin didto niya gisugdan sa Dakbayan sa Tacloban ingon man sa Dakbayan sa Carcar. (GMR) (BANAT NEWS)

Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with