Kuryente hinungdan sa sunog
CEBU, Philippines — Loose electrical connection maoy gituohang hinungdan sa sunog nga niulbo niadtong Martes sa hapon sa Sitio BRC, Basak, Dakbayan sa Lapu-Lapu.
Matud ni Fire Officer 1 Dennis Bacalso sa Lapu-lapu City Fire Department nga ang sunog nagsugod sa panimalay ni Fiderico Degamo apan ila pa kining ipatawag alang sa pagkuha og dugang impormasyon.
Samtang si Barangay Kapitan Isabelito Darnayla nitug-an nga kagahapon nakadeklarar na sila og state of calamity sa nasunogan diin P600 mil ang ilang gamiton sa calamity fund aron ipalit og construction materials ug nag-unang panginahanglanon sa panimalay sama sa banig, kaldero, plato, habol ug uban pa. Base sa ilang inisyal nga talaan nga 160 ka households ang naugdaw, 250 ka pamilya ang apektado nga may 2,300 ka tawo.
Gimando sab ni Mayor Paz Radaza ngadto sa City Social Welfare and Development (CSWD) nga gipangulohan ni Carmelita Degamo ang paghatag og luto na daan nga pagkaon sa mga biktima sulod sa tulo ka adlaw. (GMR) (BANAT NEWS)
- Latest
