Sugbo nangandam kung masirad-an ang Boracay
CEBU, Philippines — Nangandam karon ang Probinsiya sa Sugbo sa posibleng pagdaghan pa sa mga turista kung hingpit nga masirad-an ang Isla sa Boracay.
Kini sumala pa ni Bise Gobernador Agnes Magpael, chairman sa Provincial Tourism Commission, diin usa sa ilang gipangandaman ang pagpahigayon og seminar labot sa preservation sa eco-tourism sites.
"In terms of accommodation, Cebu City yes, but sa probinsiya wala pa gyud ta," matud ni Magpale.
Samtang ang Provincial Disaster Risk Reduction and Management Office nipasalig nga "disaster proof" ang mga tourist destinations sa lalawigan diin ilang gipaubos sa seminar ang mga tourism personnel sa mga angay nga himoon kun may emergency.
Subay usab kini sa paglusad sa Probinsiya sa Sugbo sa Oplan Bantay Turista karong bakasyon.
Si Baltazar Tribunalo Jr., pangulo sa PDRRMO, nagkanayon nga ilang gihatagan og giya o template ang mga tourism personnel pinaagi sa paghimo og simulation exercise. (GMR) (BANAT NEWS)
- Latest
