Mga piniriso sa mga BJMP jails sa Central Visayas nagsinardinas na
CEBU, Philippines — Nagdasok na gyud pag-ayo ang mga piniriso sa lainlaing mga bilanggoan sa Central Visayas nga gidumala sa Bureau of Jail Management and Penology (BJMP) kay niabot na og 800 porsiyento ang dugang pag-usbaw sa gidaghanon sa mga binilanggo.
Matud ni BJMP-7 Regional Director Arnold Buenacosa nga ang pagdaghan sa mga binilanggo naggumikan sa hiningusgan nga kampanya sa kapolisan batok sa gidiling drugas diin ang mga suspetsadong drug pusher walay higayon nga makabutang og piyansa.
Sa Cebu City Jail sa Barangay Kalunasan, ang BJMP-Central Office nagpagahin og minilyon ka pesos nga budget alang sa pagpatukod og dugang prisohan nga kabutangan sa mga binilanggo.
Kaniadtong Lunes, ang BJMP niapud-apod og bag-ong mga sakyanan aron magamit sa paghatod sa mga piniriso nga motambong sa ilang husay sa kaso sa nagkadaiyang korte.
Ang gihatagan og bag-ong sakyanan mao ang mga bilanggoan sa City of Naga, Carcar, Danao ug Lapu-Lapu. (RUB) (BANAT NEWS)
- Latest