Umagad gitigbas sa ugangan

CEBU, Philippines — Nalandig sa tambalanan ang usa ka 38-anyos nga lalake human kini tigbasa sa iyang ugangan gamit ang pinote kagahapon sa kadlawon diha sa Sitio Aznar, Barangay Mabolo, dakbayan sa Sugbo.

Ang biktima mao si Luther Villacampa, residente sa maong dapit nakaangkon og usa ka samad tinigbasan sa iyang buko-buko  daling gidala sa iyang asawa ngadto sa Cebu City Medical Center (CCMC).

Ang suspetsado giila sa mga polis nga si Jerry Arresgado, hingkod ang panuigon, residente sa maong dapit ang misibat human sa maong hitabo ug padayon pa kining gipangita sa kapolisan.

Sa imbestigasyon sa kapolisan giingong personal nga bangi ang hinungdan sa insidente kinsa si  Arresgado dunay pagdumot kang Villacampa.

Sa wala pa mahitabo ang insidente si Villacampa miapas sa iyang asawa ug anak nga niadtong higayona diha sa balay sa iyang ugangan.

Ang suspetsado giingong maoy migawas sa balay ug gitigbas ang biktima. (BDB)  (BANAT NEWS)