Unom ka drama ipasalida sa kwaresma

CEBU, Philippines — Unom  ka mga drama nga may pagtulon-an sa kinabuhi nga gidalit sa social communication sa Archdiocese of Cebu ug IL Signore Theater Co. 2021 gipasalida atol sa lenten recollection sa Commission on the Laity kagahapon sa buntag.

Ang komisyon gilangkoban sa mga nagkadaiyang lay organizations ug mga Parish Pastoral Council Presidents nga gipangulohan ni Fe Barino.

Atol sa gipahigayon nga mga dula sa pagtoo adunay unom ka mga drama nga naglangkob sa Kabilin, Sa Imong Lawas ug Dugo, Sila nga Nitaliwan Na, Ringtone, Lukas 10: 41 ug Paklay Para sa Canta Misa.

Matag human sa drama adunay mga reflections nga himuong kapanaminan sa mga nitambong sa kalihukan.

Matud pa ni Msgr. Ting Ancajas, maoy nagsulat ug direktor sa mga dula sa pagtuo, tumong ug tuyo nila mao ang pagbalik sa teatro sa Sugbo, mga sugilanon nga inato apan lawom ug pagtulon-an.

Si Martin Dave Deriada, PPC President sa District 1, nitug-an nga maanindot kaayo ang ilang pagtimaan karong kwaresma tungod kay linahi karon ang ilang pagsaulog kay sa naandan. (IBM) (BANAT NEWS)