Armored van ni-overtake natagak sa pangpang
(Banat) - March 14, 2018 - 12:00am

CEBU, Philippines — Nalimbuwad ang usa ka armored van sa pangpang dihang nisuway kini og overtake sa tricycle sa national highway sa Tinibgan, Catmondaan, Lungsod sa Catmon kagahapon sa buntag.

Sigun pa sa hepe sa Catmon Police Station, Senior Insp. Romeo Caacoy Jr., nga paingon unta magkuha og kwarta sa Dakbayan sa Bogo ang armored van nga gimaneho ni Christian Ancero, 21, taga Pusok, Dakbayan sa Lapu-Lapu.

Ang duha ka kauban mao sila si Dante Palma, 43, taga Umapad, Dakbayan sa Mandaue ug si Angelo Duhaylungsod.

Matud pa nga wala nagdahum si Ancero nga aduna nisugat nga sakyanan sa blind curve atol sa iyang pag-overtake.

Dali nga nibawi si Ancero ug nitamak sa brake aron dili mabangga sa tricycle.

Si Caacoy niingon nga wala na makontrolar sa drayber ang van ug nabangga sa plant box sa kilid sa karsada ug nilahos sa pangpang nga may giladmon nga lima ka metros diin ang ubos niini baybayon.

Dali nga gidala sa tambalanan ang tulo human nakaangkon og mga pangos ug bun-og sa kalawasan.

Kasong reckless imprudence resulting to physical injuries and damage to property ang kasong atubangonon ni Ancero. (BANAT NEWS)

Philstar
Facebook
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with