Matud pa niya gisusi ni Jail officer Crisanto Cadimas ang mga dala sa mga dalaw anang adlawa ug si Ortega nagbitbit og upat ka isdang pakol nga adunay kasarangan nga gidak-on. File

Kontrabando gisud sa tiyan sa isda
Rowena D. Capistrano (Banat) - March 11, 2018 - 12:01am

CEBU, Philippines — Usa ka lalaki nga mibisita sa Cebu City Jail ang nasakpang nagpalusot og mga pinakete nga sigarilyo nga gisulod sa tiyan sa isda nga iyang gidala sa maong prisohan niadtong Biyernes sa hapon.

Si Cebu City Jail Warden Supt. Renante Rubio nga nahinabi sa Banat News miila sa ilang nasakpan nga mao si Alex Ortega.

Matud pa niya gisusi ni Jail officer Crisanto Cadimas ang mga dala sa mga dalaw anang adlawa ug si Ortega nagbitbit og upat ka isdang pakol nga adunay kasarangan nga gidak-on.

Giingong mobisita unta si Ortega sa inmate nga si Michael Cabanes nga anaa sa main building.

Sumala pa ni Rubio nabantayan ni Cadimas ang nisiwil nga nylon nga gitahi sa isda hinungdan nga gisusi niya kini ug didto nakita ang 40 ka paketeng sigarilyo. Ang sigarilyo gidili sa mga prisohan apan di rason aron siya prisuhon.

Tungod niini si Rubio miingon nga samtang nagpaabot pa sila og resolution sa disciplinary board gidid-an nila si Ortega nga makaduaw sa CCJ.

Ilaha na usab gisuspenso ang prebilihiyo nga maduaw si Cabanes subay sa iyang good conduct allowance kini bisan og hugtanon kining nihimakak nga managkaila silang Ortega.

Gibutyag ni Rubio, magpaabot usab siya sa disciplinary board kung unsay ilang ipahamtang nga silot ngadto kang Cabanes. Giawhag usab ni Rubio ang tanan nga mobisita sa Cebu City Jail nga dili na lang mosuway mopalusot og mga kontrabando. (BANATNEWS)

ILLEGAL
Philstar
  • Latest
Latest
Latest
Recommended
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with