Ukay-ukay nangasunog

CEBU, Philippines — Tindahan sa mga ukay-ukay nga nahimutang sa may dalan Colon, habig sa Barangay Kalubihan. Siyudad sa Sugbo, ang naugdaw human kini nasunog sayo kagahapon sa buntag.

Nadawat sa kabomberohan ang alarma sa maong sunog, alas 4:21 sa kadlawon ug hingpit nila kining napawong pagka alas 5:10 sa buntag.

Matud ni Fire Senior Supt. Samuel Tadeo, ang Regional Director sa Bureau of Fire Protection 7 nga ang maong sunog, nahitabo sa Octavian RTW Surplus Center, baligyaanan og mga ukay-ukay ug gipanag-iya ni Sarah Bagsingit. Sumala pa ni Tadeo, giisa nila ngadto sa second alarm ang maong sunog, diin sa ilang pagbana-bana, mokabat ang danyos niini ngadto sa P50 mil.

Nagtuo sila nga gumikan sa electrical ignition maoy hinungdan sa sunog, apan ila pang paladman ang imbestigasyon niini.

Dugang ni Tadeo, wala makasugat og problema ang responding team kay daplin ra man sa dalan ang maong insidente. (BANAT NEWS)