Sigon ni Rama dili unta motumaw ang insidente mahitungod niadtong tarpaulin nga gibitay sa skywalk sa Barangay Basak San Nicolas kon wala lang siya giakusahan sa presidente nga drug protector.
File
Rama: Di ko drug protector
(Banat) - February 25, 2018 - 12:00am

CEBU, Philippines — Gihagit ni kanhi mayor Michael Rama si Presidente Rodrigo Duterte nga limpyuhon na ang iyang ngalan kay dili siya drug protector ug matud pa niya nasayod ang presidente kun kinsa gyud ang tinud-anay nga drug protector.

Sigon ni Rama dili unta motumaw ang insidente mahitungod niadtong tarpaulin nga gibitay sa skywalk sa Barangay Basak San Nicolas kon wala lang siya giakusahan sa presidente nga drug protector.

Subling giklaro ni Rama nga dili siya drug protector dungan sa pagbutyag nga isip tawo nasakitan siya ug sa 24 ka tuig niya sa public service mao lang ni ang iyahang makuha.

“Tan-awa ra unsay nahitabo ‘astang tarpaulin gi-hang pa. Unsa man na? picture kana nga ako nag-officiate og oath taking ceremony, now kinsa may utok nga kwinanggol ana? Mao na wa man ni maabot aning panahona ug dili ni maabot kung wa pa ang akusasyon. Please do your share, I’m not telling you what you ought to do and you should know what to do and I am just telling you enough is enough,” si Rama miingon.

Ang kanhi mayor miasoy nga layo na siya og naabtan sa pagpangayo og hustisya apan wala’y gusto nga maminaw sa iyaha. Gani ang iyang papel naa kang Special Assistant to the President Christopher “Bong” Go aron paglimpyo sa iyang ngalan.

Iyang giawhag si Duterte nga lihokon  kini tungod kay dili lang siya ang nasakitan apan lakip na ang iyang pamilya ingon mga supporters.

Nasayran nga wala pa gyud makahigayon si Rama nga makaestorya si Duterte taliwa sa iyang pangaliyupo apan walay nahitabo dungan sa pagsulti nganong gikondenar siya nga wala siya’y sala.

Mahitungod sa tarpaulin wala gihapon masayod si Rama kinsay nagbuhat niini apan matud niya angay mohimo og lakang si Mayor Tomas Osmeña mahitungod niini kay giingong responsibilidad sa mayor nga panalipdan siya isip residente sa Cebu City.

Apan si Osmeña sa iyang bahin miingon nga dili niya  responsibilidad nga depensahan ang kanhi mayor tungod kay matud pa gisudlan kini ni Rama.

Lisod sab matod pa paglimpyo sa ngalan ni Rama kay giingong dunay mga saksi nga siya nalambigit ni Jeffrey Diaz alyas Jaguar nga naila nga drug lord ug ang mga gipang-recruit niini matud pa nalambigit sa ginadiling drugas sama sa napatay nga Albuera-Leyte Rolando Espinosa ug si kanhi Ermita Barangay Captain Felicisimo “Imok” Rupinta nga gibanhigan-patay.

“You know, you get involve with bad elements. I cannot be responsible for your safety just like Rupinta something happens to Rupinta they blame me. Even the suspect himself who was caught was part of his group who admitted even killing for him. Birds of the same feather flocks together, you know who, unsay labot nako niana?” matud ni Osmeña.

Si Rama mihimo og pakigpulong kagahapon sa iyang mga supporters atubangan sa Cebu City Hall sa may Plaza Sugbo subay sa kasaulogan sa ika- 81 Charter Day nga anibersaryo ni Don Vicente Rama Siya mihalad og pungpong sa buwak sa bantayog sa apohan.

Sumala pa niya andam na siyang mamatay kung mao man kini kagustohan sa mga tawo nga naglagot kaniya ug aron usab nga mogawas ang kamatuoran tungod kay dili siya usa ka drug protector,

Giawhag ni Rama ang iyang mga supporters kung tumbahon man gani siya dili unta sila malimot sa pagbisita sa ilang panimalay. (BANAT NEWS)

MICHAEL RAMA
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with