Matud pa ni Senior Supt. Roberto Alanas, City Director sa Mandaue City Police Office nahitabo ang pagpamusil atubangan sa usa sa mga ilado nga kan-anan ug kapehan.
File
Korean gi-ambush patay
Rowena D. Capistrano (Banat) - February 25, 2018 - 12:00am

CEBU, Philippines — Usa ka Korean national ang gibanhigan patay sa wala mailhing mga lalaking nagmotorsiklo samtang nagmaneho kini sa iyang sakyanan diha sa may A. S Fortuna Street, Barangay Banilad, Dakbayan sa Mandaue niadtong Biyernes sa gabii.

Ang nakalas mao si Sang Ho Lee, residente sa Barangay Looc, Maribago, Dakbayan sa Lapu-Lapu.

Matud pa ni Senior Supt. Roberto Alanas, City Director sa Mandaue City Police Office nahitabo ang pagpamusil atubangan sa usa sa mga ilado nga kan-anan ug kapehan.

Sumala pa ni Alanas nakita pa ang biktima sa sulod sa Toyota Innova niini nga sakyanan nga adunay plate number YKK 437.

Aduna kini mga samad pinusilan sa kalawasan ug daling gitabang sa mga sakop sa ERUF ug gidala sa Mandaue District Hospital apan gideklarar kini nga patay na.

Gitug-an ni Alanas, ang biktima personal nga giila sa iyang asawa diha na sa tambalanan kay walay nakuhang ID gikan sa lawas niini ug wala pa usab masusi ang sakyanan niini kay wala pa mangabot ang Scene of the Crime Operatives.

Gibutyag ni Alanas nga si Sang gikan sa A. S Fortuna padulong sa Foodland, apan pag-abot sa usa ka shop sa mga sakyanan sa maong lugar, duha ka mga lalaki nga nagmotor nga armado sa wala matino nga armas ang nipusil sa windshield sa maong sakyanan nga dapit sa driver hinungdan nga niigo kini sa nagkadaiyang bahin sa lawas.

Ang mga mamumuno mipasirit dayon padung sa direksyon sa Dakbayan sa Sugbo.  Lima ka basiyo sa bala sa kalibre 45 pistola ug tulo ka slugs ang nakuha sa crime scene.

Nakakuha na ang kapolisan sa kopya sa CCTV footage sa PNP Cyber Crime Unit aron klaruhon ang kuha sa mga dagway sa gunmen. Giawhag usab niya ang mga motoristang adunay kuha sa dash cam o motion cameras sa maong krimen nga makig-alayon kanila.

Wala pay nakuhang lead ang kapolisan kon unsay motibo sa nang- ambush. (BANAT NEWS)

AMBUSH
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with