Martsa kontra drugas himuon

CEBU, Philippines — Ang kapolisan, Department of Health, Department of Education ug uban pang ahensiya sa gobiyerno magpahigayon og rally batok drogas karong adlawa.

Ang maong rally ginganlan og LAKAD o Lipulin at Kalampagin ang Droga ug gipangulohan kini sa Regional Police-Community Relations.

Matud pa ni Supt. Renato Dugan usa kini ka simultaneous nationwide rally nga tumong mao ang pagsabwag sa impormasyon may labot sa kadaotan  ug negatibong epekto sa drugas ilabi na sa mga kabataan.

Kapin 1,000 ka mga partisipante ang molangkob sa maong rally diin magsugod kini karong alas-3 sa hapon. Manukad sila gikan sa PRO-7, magmartsa paingon sa Cebu Provincial Capitol grounds dayon sa Plaza Independencia ug balik sa Camp Sergio Osmeña PRO-7.

Magdagkot usab sila og kandila isip simbolo sa paglamdag sa huna-huna sa publiko ilabi na kadtong natanggong gihapon sa illegal nga drogas.

"I-enlighten nato ang tanan. Masigasig ta sa pag-encourage sa publiko sa bati nga epekto sa drugas," si Dugan miingon. (BANAT NEWS)