Imee Marcos posibleng mag-senador
Si Imee kinsa mibisita kagahapon nganhi sa Sugbo mipadayag kini sa iyang interest nga modagan sa nahisgutang posisyon. File
CEBU, Philippines — Si Ilocos Norte Governor Maria Imelda Josefa “Imee” Marcos, anak ni kanhi presidente sa Pilipinas Ferdinand Marcos ug kanhi First Lady Imelda Romualdez Marcos dunay posibilidad nga modagan isip senador sa sunod tuig nga eleksiyon.
Si Imee kinsa mibisita kagahapon nganhi sa Sugbo mipadayag kini sa iyang interest nga modagan sa nahisgutang posisyon.
Apan matud niya wala pa’y desisyon ang ilang pamilya kinsa nilang duha sa iyang igsuon nga si kanhi Senador Ferdinand “Bongbong” Marcos, Jr., ang modagan isip senador.
Si Bongbong duna pa kini pending election protest batok kang Vice President Leni Robredo. Si Bongbong nagkanayon nga dunay irregularities sa May 2016 election resulta sa pagkadaog ni Robredo.
Ang pagbisita ni Imee kagahapon gumikan kini sa pag-imbitar kaniya sa Chinese community sa Sugbo alang sa ilang 40th year anniversary sa pagka-naturalized nila isip Philippine citizens.
Gawas sa maong imbitasyon mobisita usab si Imee sa iyang mga higala nganhi sa Sugbo.
Gibutyag ni Imee nga karong Mayo saulogon sa Chinese community ang kasumaran sa pagpirma sa iyang amahan sa usa ka Presidential Decree nga nagtugot sa naturalization sa mga Chinese national nga mahimo kini Philippine citizens. (BANAT NEWS)
- Latest
