Buy-bust, usa patay
Ang nakalas giila sa Mabolo Police Station nga si Benjamin Dela Rosa samtang ang anak niini giila nga si Wardy Dela Rosa, 30, parehong residente sa maong dapit. Sigun pa sa hepe sa Mabolo Police Station nga si Police Chief Inspector Clark Ariola nga nasigpatan sa ilang mga asset nga namaligya og shabu si Wardy hinungdan nga girespondehan sa mga operatiba. File
CEBU, Philippines — Napusilan patay sa kapolisan ang 59 anyos nga amahan sa ilaha untang dakpon tungod sa pagpamaligya og drugas diha sa Sitio Abellana,Bario Luz ning dakbayan sa Sugbo kagahapon sa udto.
Ang nakalas giila sa Mabolo Police Station nga si Benjamin Dela Rosa samtang ang anak niini giila nga si Wardy Dela Rosa, 30, parehong residente sa maong dapit. Sigun pa sa hepe sa Mabolo Police Station nga si Police Chief Inspector Clark Ariola nga nasigpatan sa ilang mga asset nga namaligya og shabu si Wardy hinungdan nga girespondehan sa mga operatiba.
Giingong naaktohan nga namaligya kini sa basketball court sa maong lugar maong gidakop sa kapolisan ug nakuhaan og lima ka gagmay ug duha ka mga medium nga paketeng may sud nga gidudahang shabu.
Sa dihang giposasan na si Wardy ug padung na unta manglakaw ang mga operatiba kalit lang mibutho sa likod sa mga polis ang amahan niini nga si Benjamin nga nagtion sa iyang kalibre .38 paingon kang PO1 Paul Jason Fermin.
Matud pa nga nakakablit gyud si Benjamin sa maong armas apan wala kini makabuto hinungdan nga mihulbot ug mipabuto kini sa laing dala niini nga kalibre .45 apan swerte nga walay naigo sa mga operatiba.
Si Ariola miingon igo rang nanalipod ang mga polis sa ilang kaugalingon. Gani dali nila kining gidala sa tambalanan apan wala na matabang.
Sa pagsusi sa crime scene, si Ariola miingon nga nag-ungot ra gyud sa barrel sa kalibre .38 ang bala niini , nga kon wa pa kini mahitabo naigo gyud si PO1 Fermin. Samtang nakapabuto gyud ang .45 ni Benjamin apan wala na siya nakaigo kay nakatago na ang mga polis. Tungod sa kasikas nakahigayon og ikyas si Wardy nga may posas pa sa iyang mga kamot ug ning pagsuwat wala pa kini madakpi. (BANAT NEWS)
- Latest
