Matud pa ni Ensign Ronnie Eras, Deputy Commander Coast Guard Cebu nga nahinabi sa Banat News moabot 1,560 ka mga tawo ang na- stranded, 33 ka mga barko ug motorbanca ug 233 ka rolling cargo ang wala tugoting makalawig.
PAGASA/Released
Daghang natanggong
(Banat) - February 14, 2018 - 12:00am

CEBU, Philippines — Liboan na ka mga pasahero ang na-stranded human gipugngan sa Cebu Coast Guard ang tanan nga mga biyahe gikan dinhi tungod sa Bagyong Basyang.

Matud pa ni Ensign Ronnie Eras, Deputy Commander Coast Guard Cebu nga nahinabi sa Banat News moabot 1,560 ka mga tawo ang na- stranded, 33 ka mga barko ug motorbanca ug 233 ka rolling cargo ang wala tugoting makalawig.

Dugang pa ni Eras, padayon ang ilang monitoring karon sa lakat sa panahon ug awhag usab nila karon sa mga gagmay nga mananagat ug ni bisan kinsa nga dili mag alig-alig sa paglawig sa kadagatan.

Ang mga   gipugngan padulong sa Tubigon, Tagbilaran, Getape, Guihulngan Negros Oriental, Ormoc, Camotes, Santa Fe, ug uban pa.

Brownouts

Gumikan sa bagyo pipila ka mga lugar ang nawad-an og kuryente kagahapon tungod sa power outage sa Visayan Electric Company kon VECO kay nangaguba ang pipila nila ka mga linya tungod sa kusog nga hangin ug ulan.

Gitug-an ni Quennie Sanchez- Bronce, ang tigpamaba sa VECO nga nahinabi sa Banat News alas-6 kagahapon nagsugod kapalong ang mga linya sa kuryente sa mga lugar nga apektado sama sa Busay, Babag, Bonbon, Tabunan, Tinago, Buhisan, Toong, Pamutan, Forest Hills ug White hills sa barangay Banawa nga sakop sa Dakbayan sa Sugbo ug Langtad sa Dakbayan sa Naga.

Dali hinuon kini naayo sa ilang mga emergency crew mao nga pagka alas-2 sa hapon nabalik na ang kuryente sa Buhisan, Toong, Pamutan, Forest Hills and White Hills sa Banawa.

Way klase

Sa Dakbayan sa Sugbo ang pangulo sa Cebu City Disaster Risk Reduction Management Office (CCDRRMO) Nagiel Bañacia mibutang sa siyudad sa red alert tungod kay ang Metro Cebu nakasinati sab og kusog nga hangin.

Si Konsehal Dave Tumulak mipasabot nga dili late ang ilang pag-anunsiyo og suspensiyon sa klase kay matud pa daghan ang angayang ikonsiderar una kini buhaton.

Ang maong rekomendasyon ni Tumulak gidasunan ni Cebu City Mayor Tomas Osmeña nga kutob ra sa alas 12 sa udto kagahapon ang klase.

Sa Talisay City, gideklarar usab nga way klase nunot sa peligrong dalan sa bagyong Basyang. Gibantayan usab ang mga bukirang mga barangay apil na ang mga namuyo diha sa coastal barangays ug kilid sa sapa.

Samtang sa Dakbayan sa Mandaue higpit gi-monitor ang Butuanon River ug Mahiga Creek duol sa pipila ka mga barangay sa dakbayan nga sagad gyud lunopan ug bahaon kon magbunok ang uwan.

Sa pikas bahin, nakit-an ra ug luwas ang mananagat nga gikatahong missing kagahapon sa kaadlawon human nanagat didto sa lungsod sa Medellin niadtong Lunes sa gabii.

Si Demetrio Booc, 48, giingong napagngan  og makina tunga-tunga sa kadagatan sa Gibitngil, Medellin apan adunay laing mananagat nga nakakita niya ug mibira sa iyang bangka padulong sa Barangay Anapog sa lungsod sa San Remegio.

Namakwit

Base sa record  sa  Provincial Disaster Risk Reduction and Management Office (PDRRMO) moabot ngadto sa 104 ka pamilya namakwit sa habagatang bahin sa lalawigan sa Sugbo.

Sila gikan sa Alegria, Boljoon ug lungsod sa Ginatilan. Samtang adunay mga pasaherong natanggong sa pantalan sa Samboan, Dumanjug, dakbayan sa Danao, sa Daanbantayan,  Oslob  ug sa Toledo City.

Sa pagkutlo sa balita, wala pay nadawat nga insidente o pagbaha ug pagdahili sa yuta sa kalungsoran ang PDRRMO.

Si Senior Superintendent Julian Entoma, hepe sa Regional Operations Plans Division of Police Regional Office 7, mibutyag usab nga didto sa Candijay, Bohol adunay 27 ka pamilyang gipabakwit nunot sa pagsaka sa tubig dala sa maong bagyo.

Naglandfall kagahapong adlawa didto sa Surigao Del Sur, Mindanao ug gisaka sa signal number two ang habagatang bahin ang Sugbo ug Bohol. (IBM) (BANAT NEWS)

BAGYONG BASYA
Philstar
Facebook
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with