Moabot na sa kapin 200 ka motorsiklo, 12 ka pribadong sakyanan, lima ka taxi ug tulo ka jeepney ang na-impound sa CCTO sa impound area sa may South Road Properties. “Base sa isa ka semana nato nga assessment nakita sad nato ang dasmag sa motor which is kaning counterflow nigamay gyud, effective gyud kaayo, daghan sad nalipay kay mao lagi na sunod lang gyud ta sa lagda sa trapiko,” asoy ni Ouano.
File
Disgrasya sa counterflow sa motor niminus
Decemay P. Padilla (Banat) - February 13, 2018 - 12:00am

CEBU, Philippines — Gibutyag sa operations head sa Cebu City Transportation Office (CCTO), Francisco “Isko” Ouano, nga sa usa ka semana nga gipatuman ang Executive Order No. 034 nga mag-impound sa mga sakyanan o motorsiklo nga mag-counterflow sulod sa 30 ka adlaw, nakita nila nga niminus ang mga motorista nga nilapas niini. Gihulagway ni Ouano nga usa sa nakita niya nga hinungdan mao ang penalty nga 30 ka adlaw nga pag-impound sa sakyanan maong motagam gyud ang mga motorista.

Moabot na sa kapin 200 ka motorsiklo, 12 ka pribadong sakyanan, lima ka taxi ug tulo ka jeepney ang na-impound sa CCTO sa impound area sa may South Road Properties. “Base sa isa ka semana nato nga assessment nakita sad nato ang dasmag sa motor which is kaning counterflow nigamay gyud, effective gyud kaayo, daghan sad nalipay kay mao lagi na sunod lang gyud ta sa lagda sa trapiko,” asoy ni Ouano.

Gipahibawo ni Ouano nga 10 ngadto na sa 15 porsiyento ang disgrasya nga nahitabo matag adlaw tungod sa counterflow apan sukad nga gipatuman ang EO nikunhod kini ug anaa na lang sa lima ngadto na sa unom ka porsiyento maong gihulagway niini nga dako gyud og tabang ang EO ni Mayor Tomas Osmeña.

Gipasalig sab niini nga hugot gihapon nilang ipatuman ang EO.

Mahitungod sa awhag ni Bise Mayor Edgardo Labella nga tun-an og usab ang EO, si Ouano niasoy nga igo lang sila nipatuman sa unsa may kamanduan nga gihatag sa mayor.

Samtang mahitungod sa bag-ong palisiya nga gipatuman sa SRP, nagkanayon si Ouano nga base sa ilang assessment maayo ang dagan sa lugar bisan og taas og tuyukan ang mga motorista human nga dili na mahimong mo-left turn taliwala sa mga center islands.

Tumong niini nga makaluwas og daghang kinabuhi human matud pa sa maong lugar daghang disgrasya nga nahitabo. Usa sab sa rason sa pagbuhat niini aron paspas ang dagan sa mga sakyanan ug malikayan ang kahuot sa dagan sa trapiko. (BANAT NEWS)

 

CCTO
Philstar
Facebook
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with