Naglakaw gitaparan, gipusil
CEBU, Philippines — Nalandig sa tambalanan ang 51-anyos nga lalaki human siya gipusil sa wala mailhing tawo sa Sitio Sangi, Tabunok, Dakbayan sa Talisay kagahapon sa alas 2:30 sa kaadlawon.
Ang biktima nailhan nga si Carlos Osok, ulitawo, taga Sitio Tunga, Barangay Tangke sa maong siyudad ug lumad nga taga Mangagoy, Bislig, Surigao del Sur.
Si SPO1 Jason Del Campo sa Talisay City Police Station nagkanayon nga naglakaw ang biktima sa maong lugar dihang aduna’y kalit nga nibutho sa iyang tupad dayon pusil makadaghang higayon.
Naigo ang biktima sa iyang hawak ingon man wala nga bukton hinungdan nga gidala kini sa Talisay City District Hospital ug gibalhin ra pud dayon sa Vicente Sotto Memorial Medical Center.
Si Del Campo nagkanayon nga ila pang pakig-estoryahan ang biktima kun unsa ang background niini kun aduna bay gikakontra. (BANAT NEWS)
- Latest