Si Ombudsman Conchita Carpio Morales mimando pagtaktak kang Garcia kalabot ni sa kasong grave misconduct ug silot nga perpetual disqualification nga makaserbisyo bisan asang ahensya sa gobiyerno ug pagbawi sa tanang makuha niyang benepisyo pagretiro.
File
Rep. Garcia gitaktak
Le Phyllis F. Antojado (Banat) - February 13, 2018 - 12:00am

CEBU, Philippines — Gi-dismiss sa serbisyo sa Office of the Ombudsman ang kanhi gobernador ug karon Third District Rep. Gwendolyn Garcia may labot sa kontrobersyal nga Balili Property.

Si Ombudsman Conchita Carpio Morales mimando pagtaktak kang Garcia kalabot ni sa kasong grave misconduct ug silot nga perpetual disqualification nga makaserbisyo bisan asang ahensya sa gobiyerno ug pagbawi sa tanang makuha niyang benepisyo pagretiro.

Ang Ombudsman mimando kini kang House Speaker Pantaleon Alvarez nga ipatuman ang maong kamandoan.  Ang maong kaso nag-ugat niadtong Hunyo 11,2008 dihang gipalit sa Kapitolyo ubos sa administrasyon ni Garcia ang kontrobersiyal nga Balili Property sa dakbayan sa Naga nga moabot ngadto sa kapin P98 Milyones.

Apan nasayran nga ang 196,696 metro kwadrado niini naglubog sa tubig ug apil sa kabakhawan.

Niadtong Abril sa tuig 2012 ang Kapitolyo mipahigayon og public bidding alang sa “supply ug delivery date backfiling materials aron tambakan ang tubigong bahin sa luna.

Ang Supreme ABF Construction maoy nakadaog sa bidding ug nakabayad ang probinsya og P24, 4689 927.66 kanila.

Apan nakita sa Ombudsman nga walay ordinansa sa Hunta Probinsyal ang pagsulod og kontrata sa Kapitolyo ngadto sa ABF Construction.

Ang Ombudsman nagkanayon nga nalapas ni Garcia ang Section 46 ug 47 sa Administrative Code of 1987 ug Section 86 sa Government Code of the Philippines nga nagsaysay “entering into a contract unless a certification of appropriation and fund availability of the expenditure is issued.

Apan si Garcia sa iyang bahin nikwestyon sa timing sa desisyon sa Ombudsman.

“The timing of the Ombudsman’s Resolution to dismiss me from service is highly suspicious, and amount to a blatant attempt to strong arm me into helping her escape impeachment by the House of Representatives,” base sa statement nga gipagawas ni Garcia.  Matud niya wa siya masurpresa sa desisyon ni Morales kinsa nagatubang karon og impeachment complaint.

“(Morales) would want to have the impeachment complaint dismissed by strong arming key members of Congress such as myself. My dismissal from service at her hands make her motivation far too obvious,” dugang ni Garcia.

Wala pa niya madawat ang kopya sa resolusyon ug wala pa usab maka-file og motion for reconsideration. Si Garcia nagkanayon nga si Gobernador Hilario Davide III maoy ni-file sa maong kaso atol sa 2013 election aron nga masuspenso siya ug maimpluwensyahan ang piniliay.

Ang Kongresista nanghinaot nga ang Ombudsman mohimo usab og aksyon sa iyang kaso batok ni Davide kalabot sa pagpabaya niini sa Cebu International Convention Center (CICC).

Samtang ang mga co-respondent ni Garcia nga sila si Emmanuel “Manny” Guial ang provincial treasurer nga kaniadto OIC accountant sa Probinsya sa Sugbo napamatud-an usab nga guilty  sa Simple Neglect of Duty tungod sa pag-certify sa disbursement vouchers isip supporting document nga  kumpleto na bisan nga nagkulang og authority gikan sa Hunta Probinsyal. Si Guial gimandoan nga masuspenso og tulo ka bulan.

Si Guial sa iyang bahin nagkanayon nga maghuwat siya  sa kopya sa desisyon aron makakonsulta siya og abogado. (BANAT NEWS)

GWENDOLYN GARCIA
Philstar
Facebook
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with