Diamante nanghinaut paboran sa Comelec
Gregg M. Rubio (Banat) - January 17, 2018 - 12:00am

CEBU, Philippines — Malaumon si Tuburan Mayor Democrito “Aljun” Diamante nga pabor kaniya ang desisyon sa Commission on Elections Second Division labot sa eleksiyon sa pagka-mayor sa lungsod nunot sa pagkapupos sa 60 ka adlaw nga temporary restraining order karong adlawa.

Ang Comelec Second Division niadtong Nobiyembre 17 niluwat sa TRO nga gipangayo ni Diamante aron dili mapatuman ang hukom sa korte nga nagdeklarar sa iyang kaatbang nga si Daphne Lagon nga maoy nidaug sa eleksiyon.

“Hopefully mapabor sa atoa ang decision considering nga at stake dinhi ang kredibilidad sa PCOS ug VCM,” matud ni Diamante.

Iyang gipasabot nga kung matuman ang deisyon sa Regional Trial Court diin napilde siya og 93 ka botos, dili na katuohan ang automated elections gamit ang Precinct Count Optical Scan (PCOS)  ug Voting and Counting Machine (VCM).

Gipasalig sab ni Diamante nga padayon ang serbisyo ngadto sa katawhan sa lungsod bisan sa maong kaso ug hapsay ra ang lungsod.

“Kung duna may order ang Comelec o ang DILG nga i-vacate nato atong pwesto, so atong i-respeto, ato na silang gipasabot ana,” matud ni Diamante.

Nagtuo si Diamante nga ang iyang kadaugan sa niaging eleksiyon tingug sa katawhan ug sa Ginoo.

“So, kato tingug man to sa katawhan, ako wa man ko nagbinuang, ako man gani ang gibinuangan, mao na manghinaut ko nga unta mopabor sa akoa ang decision,” dugang ni Diamante. (BANAT NEWS)

Philstar
Facebook
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with