Kababayen-an di na gyud palupig sa kalalakin-an
(Banat) - January 13, 2018 - 12:00am

CEBU, Philippines — Gidasig ni Senador Risa Hontiveros ang kababayen-an nga motingug na sa katungod sama sa kalalakin-an.

Kini atol sa iyang pagtambong sa Women’s Forum sa Kapitolyo sa Sugbo diin iyang gibatbat ang bili sa kababayen-an sa katilingban.

Iyang gipaambit ang kaagi sa kababayen-an kaniadto diin gidominar ang nasud sa mga lalaki.

Matud niya nga “challenging” ang nanglabay nga katuigan diin giisip lang ang kababayen-an nga “extension of men” diin wala sila’y kaugalingong karakter ug pamatasan.

Apan karon adunay mga trabaho nga panglalaki ang gitrabaho na sa mga babaye sama sa mga nahimong lider.

Lakip sa giasoy ni Hontiveros ang kaagi sa mga Pinay nga kaniadto dili makabotar hangtud nga kapin sa 400 mil ka babaye ang nipirma sa petisyon nga motugot kanila nga makabotar sa eleksyon.

Matud niya nga daghan gihapong kababayen-an ang biktima sa pagpangabuso diin kadaghan mahadlok moreklamo sa kahadlok nga mabaliwala lang o mapauwawan.

Gani sumala pa ni Bise Gobernador Agnes Magpale nga sila sa Provincial Women’s Commission daghan ang niduol kanila aron magpatabang nga malingkawas sa ilang pait nga kahimtang.

Giawhag ni Magpale ang mga gipang-abuso nga moduol sa ilang buhatan aron matabangan.

Malipayon si Hontiveros nga nahatagan siya og higayon nga makig-atubang sa mga Sugbuanong kababayen-an. (BANAT NEWS)

 

Philstar
  • Latest
Latest
Latest
Recommended
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with