70 gambling machines nasakmit

CEBU, Philippines — Dul-an sa 70 ka gambling machines ang nakompiska sa Criminal Investigation and Detection Group-7 sa Dakbayan sa Mandaue ug Dakbayan sa Sugbo sukad niadtong Disyembre 2017 hangtud kagahapon.

Ang tigpamaba sa CIDG-7 nga si Police Senior Insp. Edwin Lacostales nibutyag nga gipangpasakaan na og kaso ang mga tag-iya sa mga panimalay diin nag-operate ang maong mga gambling machines.

Nasayran nga kaniadto pangkompiskahon lang ang maong mga machines apan karon gitataw ni Lacostales nga gimando sa ilang hepe nga si Supt. Royina Garma nga pasakaan na og kasong kalapasan sa Presidential Decree 1602 o kasong ilegal nga sugal apan mas gipabug-at kini tungod kay gi-amendahan na kini sa Republic Act 9287 diin gimando nga mas pabug-atan ang silot ug piyansa sa madakpan sa ilegal nga sugal. Gibutyag sab ni Lacostales nga 14 na ka gikatahong caretaker ug mga nagduwa sa maong sugal ang gipangpasakaan og kaso.

"Kung sino may-ari ng bahay kung saan nakasak-sak dun yung illegal gambling machine, kabilang talaga sila sa file-lan natin ng kaso," dugang ni Lacostales. (BANAT NEWS)