Ang nabantog nga Sinanduloy Dance Troup sa Tangub City, ang Placer sa Masbate ug Lanao del Norte nga kanunay’ng anaa sa top 5 nga mananaug dili mosalmot karong tuiga.
File
Daghang wa moapil sa Sinulog Grand Parade
Le Phyllis F. Antojado, Rowena Capistrano (Banat) - January 13, 2018 - 12:01am

CEBU, Philippines — Pipila sa mga giatngan nga out of town contingents nga pirme nang moapil sa Sinulog Grand Parade ang wala karong tuiga human naapektahan sa mga katalagman sa nilabay nga tuig ang ilang mga dapit.

Ang nabantog nga Sinanduloy Dance Troup sa Tangub City, ang Placer sa Masbate ug Lanao del Norte nga kanunay’ng anaa sa top 5 nga mananaug dili mosalmot karong tuiga.

Matud ni Jess Dela Cruz, Program Head sa Sinulog Foundation Incorporated tungod kay lakip ang Negros ug ang Masbate sa naapektohan sa Bagyong Urduja ug Vinta, hinungdan sa dili nila pagsalmot karon tuiga. Samtang ang gubat sa Marawi City sulod sa pipila ka bulan sa nilabay nga tuig ang hinungdan sa dili usab pagsalmot sa Lanao Del Norte.

Samtang ang Sinanduloy Dance Troup sa Tangub City dili usab makaapil gumikan kay magsaulog sila sa ika- 50 ka tuig human sila nahimong siyudad.

Sumala pa ni Dela Cruz, niining tuiga angay gihapon atngan sa katawhan ang nabantog nga Abuyog sa Buyogan Leyte, Catbalogan, ang sa Panglao, Bohol ug sa North Cotabato.

Gipadayag ni Dela Cruz nga dili usab kabintahaan ang ipakitang labok sa Sinulog Street Dancing ug showdown ang mga contingents sa probinsya ug siyudad sa Sugbo nga adunay 32 ka mga dancing contingents ug 40 ka floats ang mosalmot sa Sinulog Grand Parade.

Karon adlawa walay elementary ug high school category alang sa Sinulog sa Kabataan sa Lalawigan ug ugma sa Sinulog sa Kabataan sa Barangay sa Dakbayan sa Sugbo. Sa Sinulog sa Kabataan sa Lalawigan, pito ka mga munisipalidad ug siyudad ang magtigi gikan sa Tuburan, Siyudad sa Naga ug duha gikan sa Ginatilan, Dakbayan sa Talisay ug Dakbayan sa Carcar.

Samtang 20 ka mga barangay sa Dakbayan sa Sugbo ang mosalmot sa Sinulog sa Kabataan karong Domingo.

Sa pikas bahin, panaghiusa alang sa “Kalambuan sa Matag Sugboanon” maoy tema sa probinsya sa Sugbo alang sa float niini nga iapil sa Sinulog Grand Parade karong tuiga.

Ang float mopakita usab kini sa pre-hispanic culture nga gidesinyo sa buhatan sa Provincial Tourism.

“As the basic unit in our community, a barangay perfectly stands for unity. It is the governing body that goes to the grassroots level, thus, forming unity towards progress,” matud ni Joselito “Boboi” Costas.

Ang provincial float,pormahon kini og balangay usa ka sakyanan pandagat nga gamiton pag-transport og mga pagkaon ug sa ibabaw sa float  butangan kini og pre-colonial characters, sama sa Rajah ug Babaylan.

Ang float sa probinsya sa Sugbo gigastohan kini karon sa Kapitolyo og P500, 000. Si Gob. Hilario Davide III nagtinguha nga ma- institutionalize ug mapahingusgan ang mga barangay ug puroks pinaagi sa mga opisyal niini nga maoy suhito sa kinahanglan sa mga konstituwente niini.

Niadtong miaging tuig, ang tema sa Kapitolyo nagpakita sa mga tanom, mga ihalas nga mananap ug kalanggaman  dinhi sa Sugbo ilabi na ang Cebu Flower Pecker nga makita kasagaran sa habagatang bahin sa probinsya. (BANAT NEWS)

SINULOG GRAND PARADE
Philstar
Facebook
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with