Nagkanayon ang operations head sa Cebu City Transportation Office, Francisco “Isko” Ouano, nga wala’y sirad-an nga dalan apan pipila ka rota sa public utility jeepneys ang i-reroute sugod sa alas 2 sa hapon ugma.
Kristine Joyce Campaña, File
Trapik sa downtown masinati ugma
Decemay P. Padilla (Banat) - January 11, 2018 - 12:00am

CEBU, Philippines — Masinati ang huot sa dagan sa trapiko sa downtown area sa Siyudad sa Sugbo ugmang adlawa sa pagsugod sa mga kalihukan sa Sinulog 2018.

Nagkanayon ang operations head sa Cebu City Transportation Office, Francisco “Isko” Ouano, nga wala’y sirad-an nga dalan apan pipila ka rota sa public utility jeepneys ang i-reroute sugod sa alas 2 sa hapon ugma.

Masinati ang kahuot sa dagan sa trapiko sa may Osmeña Boulevard, dalan P. del Rosario, Colon ug Sanciangko alang sa launching parade sa Sinulog 2018.

Ang mga maapektuhan sa ipatuman nga rerouting ang mga PUJ sa Talamban, Pardo, Labangon, Basak, Inayawan, Basak-Pardo, Labangon, Urgello ug uban pa.

Ang launching parade magsugod sa main entrance sa Basilica Menor del Santo Niño paingon sa Osmeña Boulevard liko sa R.R Landon paingon sulod sa Cebu City Sports Center.

Samtang gipahigayon kagahapon sa buntag ang general briefing sa nagkalain-laing komitiba sa Sinulog 2018 ug mga pagpangandam sa kapistahan sa Balaang Bata nga si Señor Sto. Niño ug Sinulog Grand Parade.

Matud sa pangulo sa Cebu City Disaster Risk Reduction and Management Office, Nagiel Bañacia, nga giandam na nila ang Emergency Preparedness and Response (EPR).

Gidili atol sa kalihukan sa Sinulog Festival ug mga religious activities ang mga balloons sa simbahan ug sa rota sa Sinulog.

Giawhag sab ang publiko nga dili magdala og botelya nga bildo ug backpack.

Gidili ang pyrotechnics ug mga pabuto atol sa solemn procession ug dili maghubog-hubog ug kun mahimo likayan ang mag-selfie kay gawas nga maoy makalangay, usa sab kini sa rason nga dunay matumba.

Karong Enero 20 ug 21 ang tanang light vehicles mahimong makaagi sa southbound lane sa Natalio Bacalso Avenue diin giugmad ang underpass project.

Ang Department of Public Works and Highways nisanong sa hangyo ni Mayor Tomas Osmeña nga ablihan ang maong lane aron mamenusan ang kahuot sa trapiko atol sa Sinulog.

Matud ni Engr. Roy dela Cruz, ang DPWH-7 project engineer, nga ilang tumanon ang rekomendasyon ni Osmeña ug niuyon sab ang contractor.

Sayo sa kadlawon sa Enero 20 buksan ang maong lane sa publiko.

Matud ni Ouano, nga ang mga dagkong truck ingon man mga bus adto agi sa South Road Properties. (BANAT NEWS)

SIYUDAD
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with