Aplikasyon sa magtukod og high-rise buildings gipugngan

CEBU, Philippines — Bisan pa man sa mga pagsaway nga nadawat ipadayon gyud ni Cebu City Mayor Tomas Osmeña ang iyang plano pagpugong una sa mga permits sa gustong magtukod og mga high-rise buildings hangtod nga ang siyudad maka-establisar og safety standards.

Kahinumduman nunot sa sa nahitabo sa Metro Ayala Department Store and Supermarket diha sa Cebu Business Park gimandoan sa mayor ang Office of the Building Officials nga i-freeze una ang tanang building permit applications sa mga high-rise buildings hangtod duna nay safety standards.

Ang plano sa mayor nakaani og pagsaway sa mga konsehal sa oposisyon nga matud pa anti-business ug anti-development butang nga gihatagan og katin-awan ni Osmeña.

“No, he (Konsehal Raymund Garcia) is saying that lives are not as important as business that’s what he saying. Business first, never mind the danger to the people, sorry I don’t follow that logic the people come first,” sigon ni Osmeña.

Ang pangulo sa Office of the Building Officials Engineer Josefa Ylanan miingon pabor siya ug gani iyaha nga gipaabot sa City Planning Officer sa siyudad nga i-freeze una ang maong mga aplikasyon. Magpatawag og public hearing o konsultasyon ang mayor mahitungod niini masabtan si Osmeña kun unsay gusto niini ipasabot.

Nasayran nagpadala og suwat ang OBO sa Metro Gaisano Management nga hatagan sila og kopya kun unsa ang nakita sa structural engineer sa iyahang structural inspection.

Subling giklaro ni Ylanan nga pahumanon una nila ang imbestigasyon nga gihimo sa kabomberohan ingon man sa structural engineer aron paglikay sa disgrasya. (BANAT NEWS)