“Wala man na nila gilabay diri. Kolektahon man namo ang mga basura ,hinakot man na namo gikan sa mga sitio unya i-segregate,” pasabot pang Inot.
Philstar.com/File
Kapitan: Basura wa gitambak, kay gibahig ra
The Freeman (Banat) - January 9, 2018 - 12:00am

CEBU, Philippines — Gihimakak sa barangay kapitan sa Barangay Bankal sa dakbayan sa Lapu-Lapu Barangay Captain Mario Inot  nga gitambak sa ilang mga konstituwente ang mga basura diha sa atubangan sa barangay hall.

Iya kining giklaro human migawas sa social media ang hulagway nga makitang adunay daghang tinapok nga basura atubangan mismo sa ilang barangay kagahapon.

Matud niya ang maong mga basura kinolekta sa ilang garbage collectors ug bahigonon sa malata ug dili malata kay makamulta man sila kon ilaha kining ilabay dayon sa sanitary landfill nga wala mabahig.

 “Wala man na nila gilabay diri. Kolektahon man namo ang mga basura ,hinakot man na namo gikan sa mga sitio unya i-segregate,” pasabot pang Inot.

Matud niya gikolekta kini gikan sa walo ka sitio sa barangay ug hugot nilang gisunod ang “No segregation, no collection” ni Mayor Paz Radaza.

 “Og di maka-segregate, maka-multa og P2,000- P3,000,” matud pang Inot.

Human mabahig ang basura dad-on kini ngadto sa Material Recovery Facility sa Barangay Mactan.

Ang siyudad sa Lapu-Lapu  adunay City Ordinance 484-97 o Comprehensive Environmental Sanitation Code of Lapu-Lapu City nga napasar niadto pang tuig 2005 sa panahon ni  kanhi mayor Arturo “Boy” Radaza, bana sa kasamtangang mayor.

Ang gihimo sa siyudad pinasubay kini sa Republic Act 9003 o Solid Waste Management Law. (FREEMAN)

SEGREGATE
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with