Armado nasikop
CEBU, Philippines — Sikop ang usa ka lalaki gumikan sa paghupot og ilegal nga armas sa Tabok Lamak, Yati, Lungsod sa Liloan niadtong Miyerkules sa gabii.
Si Anthony Amay, 32, taga Siyudad sa Mandaue, gipriso human madakpi sa paghupot og .38 caliber nga armas nga dunay duha ka bala.
Matud ni Senior Police Officer 2 Andrew Rellanos nga usa ka concerned citizen ang nisumbong sa Liloan Police Station labot sa armadong tawo.
Ang suspek naa na sa kustodiya sa Liloan Police Station ug ang mga nakuha nga ebidensya i-turnover sa Regional Crime Laboratory alang sa ballistic examination samtang tukmang kaso ang ipasaka sa kapolisan. (BANAT NEWS)
- Latest