Pamilya sa OFW tirada sa mangingilad
(Banat) - December 7, 2017 - 4:00pm

CEBU, Philippines — Tirada sa mangingilad ang pamilya nga aduna’y anak nga Overseas Filipino Workers pinaagi sa pagpasalig og estorya sa ginikanan aron makapadala og kwarta sa kantidad nga P50 mil hangtud P100 mil.

Ikatulo na nga pamilya ang nabiktima sa maong modus sulod lang sa tulo ka buwan sa Siyudad sa Talisay.

Niining higayuna nikaylap ang mga posts sa Facebook batok sa tulo ka suspek nga sila si Conselete Piaza, Romeo Tacyan Jr. ug Joelen Paseo kinsa giingong taga Iloilo.

Gitataw sa kapolisan sa Dakbayan sa Talisay nga gisusi nila ang mga reklamo batok sa pagpangilad sulod sa siyudad mao nga nagpasidaan kini sa dili pagsalig dayon sa mga estorya nga madawat ilabi na kung maghisgut sa pagpadala og kwarta.

Karong buwana, bag-ohay lang sab nabiktima ang usa ka pamilya niadtong Martes kinsa mao ang ikatulo nga higayon sa pagpangilad pinaagi sa estorya nga ang anak niini nga OFW nakapatay ug dakponon sa kapolisan mao nga kinahanglan og P50 mil alang sa kagawasan sa ilang anak.

Gumikan sa kahadlok sa pamilya tungod kay dihang nanawag sila sa ilang anak ug dili makontak, dali dayon sila nga nagpadala og P50 mil ngadto kang Romeo Tacyan Jr.

Ulahi nang nahibaw-an nila nga nailad sila human makontak ang anak. Mao sab kini ang nasinati sa laing duha ka pamilya niadtong Septiyembre pinaagi sa paggamit sa mga impormasyon nga nakita sa mga suspek sa Facebook maong suhito kaayo kini sa pagpasalig ug pagpangilad sa pamilya.

Panghinaut sa mga biktima nga matabangan sa awtoridad nga madakpan na ang mga suspek. (BANAT NEWS)

Philstar
Facebook
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with