Mga habal-habal drivers nabalaka
(Banat) - November 14, 2017 - 4:00pm

CEBU, Philippines — Nipadayag sa ilang kabalaka ang Two-Wheeled Motorized Vehicle Monitoring, Coordination, and Assistance Unit (TWV-MCAU) sa isyu sa Angkas nga unang gihulagway sa Land Transportation Franchising and Regulatory Board nga ilegal.

Ang TWV-MCAU dunay kapin sa 10 mil ka sakop nga habal-habal drivers gikan sa 80 ka barangay sa Dakbayan sa Sugbo diin 2,000 niini ang sakop sa Angkas.

Si Delfin Adolfo, OIC-chief sa TWV-MCAU, nipadayag nga kun suspensuhon gyud ang Angkas, dako kini og epekto sa ilang mga sakop sanglit kini ang ilang panginabuhi.

Sigun ni Adolfo nga sukad narehistro sa Angkas ang ilang mga sakop, gawas nga disiplinado ug limpyo ang mga drivers, nidaku sab ang ilang kita.

Ang operations head sa Angkas, Arnel Caburnay, niasoy nga sa pagkakaron nagpadayon pa ang operasyon sa Angkas. Nanghinaut ang TWV-MCAU nga ang problema sa Angkas mahatagan og kasulbaran sa labing daling panahon.

Si Mayor Tomas Osmeña sa iyang bahin niklaro nga dili niya supakon ang balaud apan dili niya prayoridad ang pagdakop sa Angkas gumikan kay iyang nakita ang ka importante niini ngadto sa publiko. (BANAT NEWS)

Philstar
Facebook
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with